黑松露三文魚、上海葱油煮籮白、炒雜菜

某日天氣超好，温度適中，做運動良機呀。
又去踩單車，順便去散貨場行下。
見到荷蘭產嘅花頭，好多款呀！攪到我出現選擇困難狀態。
最後買咗呢3款比奶奶，依家種，明年春天就會見到佢哋啦。

見到行山鞋3折多啲又買咗一對。
隻牌子我見過不過未買過，說明書話呢隻鞋防水、可保持溫度，價錢咁低就試下啦。
返到屋企check下啲user review ，發覺啲ratings 都唔錯喎。

 

 

今晚食魚同菜。

上海葱油煮籮白，隻籮白係紫紅色的，有啲似心內美呢！

黑松露三文魚，請注意黑松露嘅分量，係100%純正黑松露黎架。

响西班牙買咗原隻風火腿，切咗出黎啲肥冇嘥到，可以用黎炒雜菜，咁啲菜就會多咗份金華火腿嘅咸香。

今晚有甜品呢。
之前採集咗嘅合桃，用咗啲黎整香蕉合桃小蛋糕。

有蛋糕一定要有杯啡

第二日盤點，發現有人一日內食咗15個！