安樂茶飯

呢個星期我堅勤力，星期六日同王子一同裝修，王子上班時，我又獨自一人去裝修。
其實我又不是獨自一人啦，電工師傅也在，佢有佢裝修，我有我裝修囉。
連電工師傅都覺我勁，每日响新屋10個鐘裝修，都冇嗌攰。
連續四日，我終於完成一個大工程啦！可以停幾日啦。
碰上王子要去DIY shop，這日停工！順便一齊食餐安樂茶飯。

次次去完DIY shop已經好夜，我一早煮定餸，回家15分鐘內可以開餐。
昨日掘咗兩個swede，今日可以煲A貨靑紅蘿蔔湯啦。
因為swede冬天先有，我今年早早種咗，咁夏天秋天都有〝靑蘿蔔〞用。
自家種嘅swede超大味，超似靑蘿蔔陣味呀！
因為知道將會有swede，一早醃咗咸元蹄備用，今日煲嘅係〝靑紅蘿蔔蠔豉咸元蹄湯〞。
洋人王子大讚啖湯好味呀。。。 洋人都開始欣賞乜叫〝啖湯好味〞。。。

罕有地遇上超市有大蘿蔔，用黎炆東菇。
大蘿蔔好甜，王子很愛吃。

咸元蹄二食，用醋鹵一鹵，又一味醋鹵元蹄。
元蹄皮實在太正啦。。。