宇宙最簡易低脂雪糕食譜

做蛋糕剩下了急凍雜莓，高不成低不就，用來做低脂雪糕最好不過。
這個低脂雪糕食譜，宇宙最簡易。
如果你愛gelato意大利雪糕那種口感，呢個應該啱食。

自製雪糕，主要材料是水果。
完冇落色素架，顏色真的很美喔。
有時我碰上水果大減價，或者家中水果食唔哂，又或者遇上難得一見嘅水果，急凍咗佢，用呢個方法處理。
我不是意大利雪糕迷，王子才是，佢對呢個飯後甜品高度讚揚。
做好便要吃，除非經常抓鬆它，否則會越雪越硬，變成冰條的。
因為太易做，幾分鐘已做好，煮飯前先做好，飯後待一會便有低脂甜品了。

低脂雜莓雪糕


食譜:

材料﹕
急凍雜莓300g
低脂原味乳酪12湯匙
蜜糖8-10湯匙


用攪拌機攪碎所有材料，試味，入冰箱雪約2-3小時。


是不是宇宙最簡易？

水果有不同甜度，落糖多少要自己決定。
你也可以改用其他糖例如黃糖、果糖、黑糖，甚至甜菊喔。
當然你也可以改用新鮮生果去做啦，只是雪的時間要長一點。
同整奶昔一樣，材料越creamy，成品亦越creamy。。。相反就會似雪葩（Sorbet）。。。