牛一蛋糕

王子牛一，我有好多蛋糕要焗。
文化差異，佢哋牛一唔係同事夾份買蛋糕請壽星公食，而係壽星公請人食蛋糕。
除了要焗俾同事，仲要焗俾合作伙伴公司。
是晚焗了兩個俾合作伙伴公司。

 蛋糕一是菠蘿椰子蛋糕。

蛋糕二是金寶雜莓蛋糕。
我檢查蛋糕時唔小心攪到佢中間有啲凹咗。。。

其實是日我又係懶洋洋，根本冇心機整蛋糕，拖到晚上9點先開始焗，12點幾先收工。
呢兩個蛋糕模係高模黎架，兩個都係Kaiser(即係WMF)，其中一個最近新買，某日勁好彩見佢由18歐減到.......3歐(睇到時以為眼花)，立刻掃咗2個。。。
個模啲料好厚，好穩固，最重要唔漏又容易清潔。
以前試過有蛋糕模會漏，攪到冇咗個蛋糕之餘，又要抹焗爐，仲有成陣燶味。
兩個蛋糕加埋應該有接近4kg，原本諗住實有剩，點知都俾佢哋食清光，真係食力非凡呀。