檸檬牛油意大利陳醋烤白露荀沙律

踏入露荀季節，一定要吃。多。啲！
本地露荀尚未上場，今天買了希臘產的白露荀。

做了顏色很美、食味很清新的檸檬牛油意大利陳醋烤白露荀沙律 。
我和王子都不愛煮到淋pat pat嘅露荀，烤過的白露荀保留了爽脆，亦有將白露荀香氣濃縮嘅作用，白露荀表面用了意大利陳醋加上牛油做成陳醋焦糖效果(caramelised balsamic)。

王子中午時跟我說，晚餐他只吃士多啤梨加乳酪。。(怎麼可能？！)
後來知道有檸檬牛油意大利陳醋烤白露荀沙律，便道: 咁.....我都食啦。。(仲係有水份!不可信！)
我還是煮了一鍋印度咖哩薯仔牛腩，配飯食。
當有人聞到咖哩香，便道: 你.....有冇煮多啲呀？我可以陪你食架。。。

唔食埋咖哩牛腩飯，淨食沙律點會飽呀！咪玩啦！
最後王子的晚餐係: 白露荀沙律＋咖哩牛腩飯＋士多啤梨＋乳酪＋餐後酒＋曲奇＋"我仲係唔夠飽"。。。

如果冇白露荀，用青露荀整都得架。


檸檬牛油意大利陳醋烤白露荀沙律


食譜:

材料﹕
白露荀500g
檸檬1個
青瓜片少許
甘荀絲少許
蕃茄片少許
沙律菜少許


調味:
鹽少許

牛油1小塊
蘋果醋1湯匙
黑胡椒碎少許
黑醋1/4湯匙



白露荀先切去尾及去除硬皮，
將檸檬表皮磨成檸檬皮屑(lemon zest)，
將半個檸檬搾汁，
碟內鋪上沙律菜、青瓜絲、甘荀絲及蕃茄片，
燒熱易潔鑊，不用加油，用中火烤白露荀至微軟，
洒上黑胡椒碎及鹽，加入黑醋及牛油，
加入檸檬皮屑及檸檬汁，
將白露荀鋪在沙律菜上，
加蘋果醋入易潔鑊，再倒在沙律菜上。