家常菜

是日煮家常菜。
本來打算煮兩碟有肉、一碟冇肉，但係天氣熱咗呀，想想還是煮少一點肉，多一點菜吧。

蕃茄薯仔海茸，用咗自製嘅樽裝意粉醬煮。

呢碟都係用自製醬料煮，青辣椒蝦米油炒雜菜。
用咗青辣椒蝦米油加上魚露炒，有泰式炒雜菜果種香味，我like呀。

突然想起茶餐廳嘅粟米肉粒碟頭飯，屋企冇豬肉，於是煮了滑蛋粟米牛肉。

食完自我感覺良好，覺得今餐食咗好多唔同類型嘅蔬菜呀。