糯米蒸排骨

家中還有一份排骨要消滅。
湘菜館有道名菜，叫糯米蒸排骨，又香又糯，不知大家有沒有吃過。
今天做來解解饞。
大碗中加入磨豉醬，海鮮醬，花生醬，麻油，薑蓉，蔥白粒，鹽，生抽，糖，花椒粉，混合，試味，加入排骨，醃最少兩小時，最好醃過夜。

一大碗糯米提前一晚浸，瀝乾水，放入易潔鑊，白鑊中火炒2分鐘，加入3湯匙水，炒1分鐘，再重複兩次，至糯米半熟。

此時糯米應該開始有啲黏黏哋，放涼15分鐘左右。

因為我買嘅糯米不太受水，所以要先做呢個步驟才蒸，如果你買嘅糯米夠受水嘅話，可以唔做呢個步驟，直接蒸。

下一步，混合糯米同排骨。

放入容器內，隔水蒸50－60分鐘。
我用壓力煲，大概壓30分鐘已經可以。
我呢度大概三層排骨，如果你嘅排骨層多嘅話，要再蒸長啲時間。

灑上蔥花，食得！

排骨被糯米包住，再加上蒸咗咁耐，已經又腍又滑。
而糯米又吸晒排骨同醃料嘅味道，所以呢個餸，真係又香又糯㗎。