年夜飯

這幾天一直想著，要不要煮年夜飯呢？？
呢度中國新年氣氛係零，屋企又只有王子與我，係咪有需要團年呢？？
見王子問咗幾次有冇年夜飯食，我又有心情煮，咁好啦，煮啦。
無特別出去買餸，而且係周日，外面乜都冇得買，屋企有乜煮乜。

兩個人，四個餸做年夜飯，算唔算少呢？？本來想煮六個餸，不過兩個人六個餸，好似太誇張。
煮咗好耐無食，但又好想食嘅椒鹽排骨，呢個堅好味，亦都夠晒熱氣。

魔鬼之後，又要天使一番，有碟雲耳清炒時蔬。

買咗個靚靚嘅粉粉嘅南瓜，芝士汁焗南瓜。

粉粉甜甜嘅南瓜，被濃濃芝士汁包住，好好味。

仲有個甜酸魚，年年有餘嘛。

新年唔可以整四道或者七道菜，所以整咗兩道甜品補數。
有朱古力士多啤梨，仲有焦糖紅豆燉蛋。

滑滑燉蛋加上綿綿紅豆，好味啊。