菜肉餃子

雖然之前經歷咗一場成個禮拜嘅雪，小菜園嘅菜大部份都冇事喎。
見佢哋生咗好多，又係時候摘嚟食啦。

左剪右剪，咁又兩大盤。
仲有好多菜未食，呢個禮拜要食密啲啦。

好耐冇食餃子，王子去公幹前，食番一餐湯餃子。
屋企有三個超大嘅紅石榴，我將佢哋起咗榨汁雪凍，就有紅石榴梳打做餐飲。

今次食超大隻菜肉餃子，肉是火雞肉，加咗啲燕麥，湯底係之前整好嘅天然湯底粉煮成嘅，菜肉餃子用自家辣椒油點嚟食，好好味呀。

諗下諗下，啲菜係自家有機種植，餃子自己包，餃子皮自己搓，辣椒油自己整，湯底粉又係自己整，我好勤力啊。。。