茴香泡菜

超市嘅茴香大減價，新鮮度爆燈！
買了很多，取了兩個，做點泡菜。

茴香洗淨，切好，加入多一點嘅鹽，兩個中茴香，我加了1湯匙，拌勻。

等約三小時後，茴香會出咗唔少水，就可以沖水，大約沖三次水左右，沖走過多嘅鹽份。
試試味，等自己知道，此時嘅茴香鹹度如何。

剩飯一碗，蒜頭8粒，薑一小片，小洋蔥半個，蘋果半個，水5湯匙，攪拌成漿。

加入蔥段，韓國辣椒粉，魚露，糖，拌勻，試味，如果食素，可以用豉油+鹽代替魚露。

味道要有少少咸，因為醃好之後嘅泡菜會淡味咗。

加入茴香拌勻。

我鍾意滑一點嘅泡菜，所以剩飯會用多一點，如果你唔鍾意，可以落少啲。

入玻璃盒。

蓋好 ，夏天室溫放數小時，冬天放大半天，再放入雪櫃。

等幾日，就可以食。
這天，清粥小菜。
粟米粥配茴香泡菜，是我嘅一人午餐。