慶生

一年容易又慶生。
今年王子特登攞咗假，同我去玩。

午餐去咗食放題，用iPad點菜早幾年有啲德國城市已經有，我哋一直都無（或者係我唔知），王子好鍾意，猛咁撳撳撳。

 估吓呢個係乜？

係雲吞湯。。。

又估下呢個係乜？？

係炸燒賣。。。
食飽，就去玩啦。
慶生唔洗諗節目，反而通常係唔夠時間，因為有唔少地方生日正日唔使俾錢。
一片荒地，有乜玩？？

其實前面嘅建築，係一個礦泉中心，可以游水，浸礦泉浴，同焗桑拿，仲可以玩水上滑梯。
裡面冇得影相啦，但係呢個中心好新，好多綽頭嘢，例如有紅酒桑拿，葡萄籽全身磨砂，蜜糖桑拿面膜，礦泉浴disco，外太空水上滑梯，真係唔錯！