減磅餐

王子自發減磅，交代我煮減磅餐，但同時候，要好食，多款式。
減磅其中一招，係先飲大碗湯，再食飯。
今日係南瓜紅蘿蔔雜豆花生煲日月魚。

屋企係少咗煲肉湯，不過唔落肉，落海產都得啫，一樣唔肥膩。
起初王子話煮少啲，繼續大家share嚟食，好難啦，咁咪即係我隨時無得食囉！
思前想後，最後決定實行定食制。

例湯係南瓜甘筍雜豆煲日月魚。

三個菜式，有辣味拌苜蓿芽，呢個王子大讚好食，不過要再等幾日先有新收成。

 炆牛肚。

涼拌沙律。

蕎麥飯。

飯後不能再繼續搵嘢食，不能食甜品。。。
第一日食減磅餐，係辛苦啲，好快就肚餓，手腳又冰冷，不過慢慢就慣啦。