復活遊（2）

繼續行。

其實啲屋真係好靚，各有特色，如果要揀一間最靚嘅，我應該揀唔到。

呢間我覺得好有特色呀。

佢用咗幾隻鮮艷嘅顏色去裝飾個外牆，而個屋頂瓦片係橙色㗎。

呢一組屋群都靚，下面係石砌㗎。

原來黃色呢間好大間，寫住1592年落成，依家係一間博物館。

全相係咁嘅。

行返去中心地帶，啲屋仔已經改裝成咖啡室。

呢間仲有埋穀倉同停車場。

呢間我鍾意個用色，灰色拼綠色，比較少見。

呢間都好得意，响啲瓦片中間開啲窗，其實呢個屋頂好高，可以分到三層出嚟。

睇下道門幾高，係名符其實嘅大門。

屋又睇完啦，行過見到呢個藝術品，都幾得意。
個小朋友不斷轉，轉得快，就會見到漩渦。

阿媽叫極都唔肯走，索性唔再叫晒口水，企埋一二邊吹水。

跟住入咗個大商場。

商場幾醒目喎，啱啱有間吉鋪，趁著復活節唔好晒，用來做宣傳兼搵下錢。

比咗錢，就可以入去揀蛋，根據蛋底部嘅號碼，就可以換禮物。

轉車時又去咗另一個商場八。
又係復活節嘅節目，係快閃黨式嘅唱聖詩。
不過佢哋就唔係同一時間做同一樣嘢，而係各自散開，隱藏喺人群中，到自己個part時，就突然聞歌起舞，唱完之後就散開，去第二度集合，再唱過。

行到好攰啦，跟住有長假期，入去超市望望有無跳樓貨先。
果然有！係超靚嘅士多啤梨，500g一盒竟然係0.48歐咋，真可惜王子不在家，否則我會大手入貨，睇怕今年都唔會再見到咁平啦。