番茄牛肉湯烏冬

之前做椰菜卷嘅時候，我刻意煮多啲湯。
因為用椰菜卷煮出嚟嘅湯頭實在鮮甜到不得了，每次當王子狂食椰菜卷之際，我就會掛住飲湯。

自從買咗製麵機之後，街外嘅乾貨米粉，米線，通粉全部食得好慢，反而就成日去買啲特別嘅，健康嘅麵粉去製麵。
是日整啲幼烏冬。

隔夜湯加啲鮮牛肉，加啲新鮮烏冬，整成番茄牛肉湯烏冬。
加杯咖啡，成個港式常餐就出咗嚟。