我的網誌清單

2016年3月7日星期一

焦糖牛油爆谷

事發地點:戲院門前。
罪魁禍首:爆谷香氣。
就係咁,搞到我立即去買一大包爆谷回家爆一爆。
易潔鑊內加少少油,加入爆谷(這裡大概100g爆谷),搖幾下等啲爆谷沾上油。


加蓋,中大火燒至第一粒爆谷爆開,將火調弱一點。


等佢哋自己爆,間搖幾下,但不要開蓋,直至爆聲變得很疏落。
跟住便要上糖,上糖有好多唔同方法,我用最簡單嘅一鑊過,因為。。。懶。。。唔想做咁多。。。唔想洗咁多。。。


將兩湯匙砂糖,少少鹽,及一小塊牛油加入,炒呀炒。
我這個份量是低甜的,如果你喜歡多焦糖嘅,便要將砂糖嘅份量增加。


炒一會,你便會見到焦糖黏在爆谷上,而且爆谷會變脆,試下味,覺得夠脆,便可以熄火。
爆谷口味千變萬化,你亦可以加入其他材料,例如朱古力,肉桂,士多啤梨糖漿等等,做成自己喜愛嘅口味。
 不愛甜的,可以不加糖,加入黑椒,芝士粉等等,一樣惹味。


 晚上同王子一人一碗爆谷,睇電視也好,睇戲也好,一樣爽。


28 則留言:

  1. 我唔知可以咁整,但超市賣的是可以放入微波爐,叮叮就有得食,一包份量不多,但也不貴!

    回覆刪除
    回覆
    1. 微波爐爆谷我好多年前買過一次,覺得唔香唔好食,就無再買lu
      我屋企冇用微波爐呀,所以點都係要用鑊整囉,但係用鑊整係香啲㗎,同埋可以自己調味囉

      刪除
  2. 我識的朋友中,even 在家中,只有我喜歡食 pop conrn

    回覆刪除
    回覆
    1. 我同你相反呀,我身邊人個個都鍾意食,次次一齊睇戲都要買一大桶先夠食

      刪除
  3. 回覆
    1. 自己整就食幾多爆幾多囉

      刪除
  4. 回覆
    1. 其實原粒爆谷好襟擺㗎,買定一包响屋企,隨時想食都得

      刪除
  5. 回覆
    1. 哈哈,多謝,你又試下整啦,整爆谷好好玩㗎

      刪除
  6. 呢個真係好邪惡, 仲要係一食就唔想停口, 哈哈
    王子唔係要減磅咩?

    回覆刪除
    回覆
    1. 爆谷唔邪惡㗎,本身係whole-grain同low-calorie,減磅洋人最愛吃之一。。。
      邪惡係啲牛油同糖,所以我刻意落少咗,等王子減磅都可以食

      刪除
  7. 回覆
    1. 爆谷唔邪惡㗎,本身係whole-grain同low-calorie,減磅洋人最愛吃之一。。。
      邪惡係啲牛油同糖,所以我刻意落少咗,等王子減磅都可以食

      刪除
  8. 我已經好耐冇食爆谷啦

    回覆刪除
    回覆
    1. 我都係呀,所以王子見我揸住兩兜爆谷時,好詫異呢

      刪除
  9. 原來爆谷可以在鑊度整!!我屋企無微波爐呢,多謝分享啊。。。。好邪惡的爆谷。。。。。

    回覆刪除
    回覆
    1. 屋企都無微波爐呀,不過用鑊整係香啲㗎,同埋可以自己調味囉
      其實邪惡係啲牛油同糖,爆谷本身係健康食品,whole-grain同low-calorie

      刪除
  10. 原來爆谷可以咁整!!!我都無微波爐,又勁唔鐘意戲院爆谷的勁甜+油,所以十幾廿年無食過啦!

    回覆刪除
    回覆
    1. 係呀,戲院爆谷係好邪惡架(不過我好鍾意食。。。),但係其實爆谷本身係健康嘢,而且唔一定要整甜味呢

      刪除
  11. 微波爐同爐頭煮都試過, 但無你整得咁靚, 唔係粒粒都爆, 同埋唔識點上糖呀, 只係淋啲蜜糖上面撈勻咋, 唔夠香.

    回覆刪除
    回覆
    1. 我都唔係全部爆㗎,我諗有啲係爆唔到㗎,不過數量又唔算太多囉
      我覺得上糖呢part好緊要,佢會令啲爆谷乾身咗,脆口咗,香氣足啲

      刪除
  12. 你食後有無出暗瘡, 我自己這樣做後, 常有暗瘡

    回覆刪除
    回覆
    1. 冇喎,可能我本身唔易出暗瘡呢

      刪除