我的網誌清單

2016年3月17日星期四

Sousse (3)

之前講過,舊城寨裡面嘅街道特色係似迷宮,今日去睇下。
窄窄嘅街道,有點凌亂,電線駁嚟駁去,都係特色。


呢類型嘅舊城寨,通常總會有水煙檔,就咁放一張張凳響度,店員問你食乜味,然後就會帶嚟俾你。


另外就係飲茶,所以茶檔林立。


走入茶檔睇吓,好旺場呀。
仲要係茶檔內外,全部都係男人!!! 女人。。。唔通唔俾响外面飲茶??!!
我初頭有啲卻步,係咪女人唔入得呢?於是問老闆,佢話無所謂,叫我隨便影相喎。


突尼西亞人飲嘅係黑茶,睇下,真係有啲似我哋嘅茶餐廳沖奶茶嘅樣。


不過佢哋飲茶係唔加奶嘅,一係就齋飲,一係就加薄荷,不過就一定加糖。


另外都會賣咖啡,不過又係唔加奶。
有無留意到,水吧阿哥隻耳仔夾著啲嘢,點解啲水吧阿哥/伙記咁鍾意咁做嘅呢???


混完吉,再向前行。


呢區超多人,仲係超多女人。


因為呢區係賣金同首飾㗎。


不過呢啲,唔啱香港人㗎啦,而且啲金嘅品質係比較差㗎。


金器區唔啱我哋睇,我哋轉入另一條街,行行下,又見到食物區。
行下行下,我哋其實都唔知自己响邊,究竟係响東南西北邊度,因為呢度無地圖之餘,太多小路,亦無街名。


呢個樣,似乎ok喎。



本地甜點鋪頭。



香料舖之後係賣衫褲鞋襪袋果啲,呢區我哋要避開,因為會狂被搭訕,好煩,煩到有啲忟憎。

而且佢哋賣嘅嘢,基本上係一樣嘅,幾百間賣差唔多嘢嘅鋪頭,個個同你搭訕,你話幾痛苦呢。。。




遠離商業街,就會開始見到民居。



20 則留言:

  1. 回覆
    1. 我都有諗會唔會似,但其實我未見過九龍城寨,所以都係唔知

      刪除
  2. 回覆
    1. 係吖,因為被阿拉伯人入侵過

      刪除
  3. 狂被搭訕,好煩,煩到有啲忟憎>> 我啲friends喺HK時都係咁. 喺TST啲人係咁問你造唔造西裝。

    回覆刪除
    回覆
    1. 真係堅忟,要不斷咁拒絕同推,但係對方又唔肯罷手。。。

      刪除
  4. 同士耳其有的相以,嗜甜,飲茶要加糖,沖茶先加一半茶膽再加一半水黎飲。

    回覆刪除
    回覆
    1. 佢哋都係嗜甜,不過好似無士耳其人咁勁,我記得响士耳其飲茶,唔記得叫佢少糖,真係甜到飲唔到

      刪除
  5. 真係好怕搭訕,尤其是你唔啋佢佢都會跟住你。

    回覆刪除
    回覆
    1. 係呀,咬住唔放,本來好好心情都變忟憎

      刪除
  6. 我好鍾意行呢D橫街窄巷,特別多野眼,眼睛在尋寶

    回覆刪除
    回覆
    1. 有啲我想行㗎,不過最後頂唔住,唯有掉頭走,或者快步走

      刪除
  7. 幾百間賣差唔多嘢嘅鋪頭,個個同你搭訕......呢part感受到係好痛苦, 但你形容得好攪笑!
    茶檔如果比我見到全部男人, 身為一個異族女人, 我會好淆底唔敢入, 你好勇!

    回覆刪除
    回覆
    1. 真係堅煩,尤其係啲嘢根本唔啱,拒絕咗,仲係咬住唔放
      我初頭都諗緊入唔入好㗎,不過日光日白,老闆又話隨便影,王子又响我隔離,咪超入囉

      刪除
  8. 回覆
    1. 係呀,同我哋平時生活好唔似

      刪除
  9. 你影咁多相又介紹咁多, 仲以為你哋會飲番杯茶添, 點知混吉.

    回覆刪除
    回覆
    1. 我真係想坐低飲杯茶㗎,但係呢檔茶檔真係好多男人,諗諗吓都係影相就算啦

      刪除