芝麻香蔥鮮牛肉包

趁著長假期，王子同朋友去咗潛水，係真潛水，因為係早機兼响法蘭克福出發，凌晨開始就要從家中出發。
有人怕路上肚餓，又唔肯定有無飛機餐食，於是提出焗定啲包比佢做糧餉。

啱啱屋企有一堆蔥要清，就整香蔥芝麻包啦。
反正焗，就焗多啲，順便做埋晚餐兼留啲俾自己食，因為，我唔肯定，王子唔响屋企，我會唔會突然懶起來，唔願煮飯。。。
突然想起blog友阿毛啱啱整咗漢堡包，之但係屋企又無免治肉，只有鮮牛肉，咁改喇，整芝麻香蔥鮮牛肉包。
配餐湯，是日餐湯係南瓜西蘭花湯。