Sousse （1）

呢一日，我哋去Sousse，Sousse有個好出名嘅medina quarter，即係舊城寨，一入城寨，已經見到街市，咁一定入去睇睇啦。

嘩，文盲呀。。。

依然係樣樣新鮮。

唯一一樣賣得貴過歐洲嘅，係青口。

突尼西亞人買餸好認真，見佢哋响檔口前企好耐，又同同行者討論一番，跟住又同檔主討論一番，最抵死係，佢哋搞一大輪之後，竟然仲可以唔買，而檔主仲係笑笑口，唔會作出任何問候性嘅行為。。。

好耐冇見過新鮮蟹啦，突然好想食蟹粥。。。

其實淨係睇啲色澤，反光度，已經覺得好新鮮。

又見到蟹，好平咋，唔駛三歐有1kg，呢隻應該係藍蟹吧？！唔知藍蟹好唔好味呢？？

食麵包都係本地人嘅習慣。

突然見到佢！！
係潤餅呀！即係新鮮嘅春卷皮，我諗依家香港都好少見啦。
新鮮潤餅可以即食，用來整潤餅卷，又可以整成懷舊糖蔥餅，唔知依家香港仲有無呢？？
當然潤餅仲會用嚟整炸春卷啦，我哋响酒店食過，睇住佢包同炸，好好味呢。
想不到，竟然在非洲碰上潤餅，人生真係有好多估唔到嘅事。。。

吊起啲香蕉嚟賣，呢種呃香蕉伎倆，我好耐冇見過啦。

仲有呢檔都幾特別，係賣醃好嘅橄欖同辣椒，同土耳其人一樣，突尼西亞人好鍾意食呢類型嘅食物。