黑松露白蘆筍燴飯

上次去意大利時，買咗幾瓶黑松露同白松露，今天開一瓶讓王子吃過夠。
家中還有白露筍，不如做個素燴飯吧。
易潔鑊內加入少少油，用中火煎煎特小號嘅意粉。

直至煎到啡色。

我今次用土耳其米，但係亦可以用日本米，意大利米，short－grain就可以。
米洗乾淨之後，浸水2小時。
將米隔去水，放入鑊內，加入一杯清水，鹽同黑椒碎，攪拌一下。

水開始少，唔夠要再加水及攪拌，每次加少少，唔好過多，直至米開始軟化，便可加入半杯牛奶。
因為米曾經浸水，煮嘅時間會快好多，如果無事前浸水，就有排煮啦。。。

再加入已切粒嘅白蘆筍，攪拌，煮多5－6分鐘，待飯嘅軟硬度合適，再試味便可。

最後加入番茜碎，拌勻。

上碟，再放上黑松露，就完成啦。

小菜園嘅沙律菜瘋狂長出，呢排日日有沙律食。。。
沙律加燴飯，又係一餐簡單素食。