我的網誌清單

2016年6月26日星期日

手卷餐

上星期嘅某幾天,突然之間,天氣變得好炎熱,由二十幾度飆升至三十幾度,太陽天天高高掛,街上嘅行人都變得好少。
一開門,一股熱氣即刻撲面而來。
連續兩日,我都無出街,留在涼浸浸嘅家中,食嘅嘢都係以簡單為主。
手卷餐實在係不二之選,小菜園嘅沙律菜長食長有,呢排王子經常帶沙律做lunch,我就灼嚟食,都仲係完全食唔切,今晚又係用佢嚟包手卷。


買菜錢,確實是省了,而且現在還未係最多收成嘅時候。。。
今晚嘅手卷材料,除咗平時愛用嘅三文魚,仲有鯡魚。
熱辣辣,唔駛點煮,自己包自己食,大家都無咁辛苦。


28 則留言:

  1. 超讚👍👍
    妳屋企點搞呀,可以自己種埋,
    一條龍,簡直美食廣場,
    乜嘢都有得食😊😊

    回覆刪除
    回覆
    1. 其實只係一部分蔬菜可以自己種咋,一部分都係要買
      我無乜興趣種花㗎,所以都係種菜實際啲

      刪除
  2. 真係犀利!屋企乜都可以自己種自己製做。

    回覆刪除
    回覆
    1. 其實只係一部分蔬菜可以自己種咋,一部分都係要買,有啲蔬菜我種得好差,可能天氣唔啱

      刪除
  3. 我呢度呢幾日涼番, 可以開下爐 ^^

    回覆刪除
    回覆
    1. 係呀,我周末都開咗一次爐

      刪除
  4. 如果有嘢多到食唔切我會好煩惱。

    回覆刪除
    回覆
    1. 我都一樣試過有咁嘅煩惱…
      但我認識有一個人,她吃唔晒的東西先至俾人,又或明知吃唔切她寧願掉去垃圾桶都唔會益人!

      刪除
    2. 我通常會改變煮法,送俾人,留種子。。。

      刪除
  5. 我地只有一兩次是2字頭的天氣。見到你整手卷,就唔洗出街食D 又難食又貴的 ''呃西人'' 壽司。

    回覆刪除
    回覆
    1. 所以你度種菜比我度好呀,果兩日一熱,啲Asian greens立刻開花。。。
      我哋啲手卷 ''呃西人'' 之餘,仲好貴,以王子嘅食量,真係攪唔掂

      刪除
  6. 你咁講法…咪即係你同王子各有各包手卷咯!

    回覆刪除
  7. 原來手卷可以自助型式 serve,幾好喎,省時省功夫﹗不過我家肥仔有可能自主走紫菜同生菜,淨食三文魚,到時我的就變 vegan 手卷了,哈哈﹗

    回覆刪除
    回覆
    1. 係呀,好過包壽司呀,啲紫菜食嘅時候仲好脆,而且自己包自己食,我唔使做咁多嘢。。。
      我都有你呢個問題呀,王子又係會食晒我啲三文魚,所以呢,我一早將啲三文魚分咗兩份,紫菜,飯同生菜就公家嘅

      刪除
    2. 分兩份這招真係絕世好橋呀,哈哈哈﹗﹗﹗ XD

      刪除
    3. 我太了解佢啦,費事自己無得食便火大,都係分兩份安全啲

      刪除
  8. 正呀, 手卷仲方便過壽司, 我buy自己卷自己食呢part!

    回覆刪除
    回覆
    1. 係呀,啲紫菜食嘅時候仲好脆,我又唔洗又捲又切,而且手卷易整好多囉

      刪除
  9. 回覆
    1. 你好似唔係太鍾意日本菜,呢類食物我反而好like

      刪除
  10. 炎炎夏日食D涼拌菜式會舒服D

    回覆刪除
    回覆
    1. 係呀,好清爽,但係又夠飽肚

      刪除
  11. 我星期六lunch 都係自己整壽司食, 太熱吾想煮, 壽司凍凍地易入口.

    回覆刪除
    回覆
    1. 係啦,熱辣辣,真係唔想食熱嘢囉

      刪除