回到正常

某天傍晚，送訪客去機場，這個天天購物嘅生活，終於結束。
平均一日超過八小時嘅購物時間，令我消耗咗唔少腳骨力。
我確實不是一個衝動購物型，購物往往會諗清楚自己有冇需要，性價比是否很高，才會買下，所以，我嘅戰利品其實都不多，只有數件，反而買俾王子嘅仲多。

生活，又再次回到正常，呢幾日，我大概要好好休息，回一回氣。
回到家中，已經好攰，隨意煮點東西吃便算數。
前一天晚上，訪客要到超市買德國特產，我又碰上瘋狂跳樓蔬菜，訪客看見減價幅度，驚訝不已，仲連忙拍照話俾啲朋友知。。。
今次碰上半斤裝小棠菜，由1歐減到0.2歐，分分鐘平過香港！！
另一種係雞油菌，都係兩折入貨，雞油菌係貴價貨，王子愛吃之物。
呢兩樣嘢，我都上咗唔少貨呢。

個人好攰，簡簡單單，整個小棠菜雞油菌牛肉炒意粉，加杯冰凍無糖汽水，又一餐。
今次嘅小棠菜好好食呀，好有菜味，品質好好呢。