素生炒排骨

之前整嘅素肉份量，夠食幾餐㗎。
今日用嚟整素生炒排骨。
左邊既係麵糊，一隻蛋，加入少少鹽拌勻，加入4－5湯匙麵粉拌勻，逐少逐少加入水，成為一個很杰嘅麵漿。

將素肉加入麵醬內，再沾上生粉／蕃薯粉。
用大火炸成兩邊變硬，而且有少少金黃。

倒出油，加入洋蔥（我今日冇落，屋企冇晒。。。）炒炒，加入青紅椒炒炒，加入甜酸汁炒炒，加入生粉水煮滾，加入菠蘿，試味後熄火，加入素排骨略炒，完成。
幾可亂真啊。。。。。。。
廚房突然酸香四溢，真係令人胃口大增！