芫荽水

訪客到訪，我真係冇晒時間打理小菜園，其中一種生長到嗶嗶聲嘅，係芫荽。

唔知大家有冇見過芫荽開花，係咁樣嘅，棵芫荽會長到好高而且瘦，啲葉開始似刁草。

小菜園嘅芫荽為數都唔少，咁點呢？？？
突然，芫荽水呢三個字，在腦海飄過。
係以前屋企老人家會整嘅嘢。
其實唔止中國人，洋人，印度人，南美洲人，都會整類似嘅嘢。
芫荽水外敷內服都得，主要功用係依家潮流最興講嘅detox，即係排毒。
芫荽（最好連根）洗乾淨，加水，慢火加蓋煲十分鐘左右，熄火，唔好開蓋，直到佢完全冷卻。
然後入樽入雪櫃，就可以用來飲用，煲過嘅芫荽氣味無咁濃烈，冇乜怪味嘅。
不過我主要係用嚟洗面，尤其係夏天陽光猛，據說芫荽水有清潔消毒，去暗瘡，美白去斑等等嘅作用。
另一個作用係用嚟做hair rinse，即係用佢嚟沖吓個頭，據說會促進頭皮同毛囊嘅健康，令頭髮可以生得靚啲／重生。
以上都係一啲坊間嘅天然療法偏方，有興趣可以試試。