我的網誌清單

2016年2月2日星期二

番茄青口湯烏冬

最近常常練習做烏冬。
今天試做半麥烏冬,在做烏冬時,加入全麥粉。


我家王子其實唔多鍾意純白麵粉嘅食品,認為不夠健康,所以今次摻入全麥粉,睇下效果如何。

用咗全麥粉做嘅烏冬帶點粉紅色,沒有用白麵粉做那樣有透明感,表面亦冇咁平滑,但係味道可以呀,以後可以咁整,畢竟食全麥粉對身體真係好啲嘅。。。

是日嘅主要食材係青口,實在太平啦,唔買會極度對唔住荷包。


用上牛油,番茄,蒜頭,青口熬成濃湯,加入煮好嘅烏冬,簡簡單單又一餐。
番茄同青口混合起來令湯頭很鮮,一點鹽都無落,亦唔使靠其他調味,王子已經乖乖地將所有湯飲晒。


27 則留言:

  1. 好叻呀~烏冬都自己整~

    回覆刪除
    回覆
    1. 唔叻叻啦,仲係研究同練習中,我覺得成品仲係唔夠好呢

      刪除
  2. 回覆
    1. 唔勁啦,仲係研究同練習中,我覺得成品仲係唔夠好呢

      刪除
  3. 你D烏冬Q嗎? 我個D啊仔話太Q, 佢牙咬吾到喎! >.<

    回覆刪除
    回覆
    1. 啲烏冬係咪實咗啲?我都試過係咁,太Q反而覺得實咗啲
      我覺得同麵粉配方有關係,同煮法都有關係,你係咪一直用太滾方式煮熟啲烏冬?

      刪除
    2. 係呀, 水滾就落, 係咪吾好水滾放啊? 請指教. ^^

      刪除
    3. 我發覺啲烏冬師傅唔係咁做架,佢哋係用文火慢慢煮,可能因為烏冬粗,用大火嘅話出面個部分熟晒但係入面仲未熟,個心煮唔透就會實囉。我係用文火煮,唔比佢水滾,中間會幫佢換水,即係畢走一啲混濁嘅水,再倒入清水,咁樣啲麵煮出來無咁糊,透明感會重啲,煮到咁上下,試下啲麵,ok就熄火,加蓋,再焗幾分鐘,然後過冷河。
      越粗嘅烏冬煮嘅時間越長,所以另一方法係,切幼啲。。。

      刪除
    4. 謝謝你, 等我下次試試, 希望成功. :)

      刪除
  4. 熬完濃湯,啲青口會唔會縮晒水同好韌?
    而呢啲好似係藍青口喎?

    回覆刪除
    回覆
    1. 係呀,藍青口,超市淨係得呢種
      我通常響啲青口一開口就撈起,其他就繼續熬湯,熬完先放返入去

      刪除
  5. 經常練習搓烏冬會有好成績! 自己整一定最好食。

    回覆刪除
    回覆
    1. 我真係要好好研究同練習,希望有日做到理想嘅健康烏冬出來

      刪除
  6. 好勁呀!!同埋個工作枱好大好靚呀!!!

    回覆刪除
    回覆
    1. 個working surface係我響diy shop買㗎,因為搬入嚟嘅時候我見上手廚櫃仲ok,只係個working surface比較差,而換一套全新廚櫃響呢度貴到飛起,所以我將廚櫃翻身,再去diy shop,叫佢幫我切一塊啱size嘅,呢種working surface好好用呀,可以直接响上面搓麵粉,防熱,防刮,唔易有痕,同用水抹下就好乾淨。

      刪除
  7. 烏冬<3....你真係好叻呀,佩服

    回覆刪除
    回覆
    1. 唔叻叻啦,仲係研究同練習中,我覺得成品仲係唔夠好呢

      刪除
  8. 回覆
    1. 唔犀利啦,仲係研究同練習中,我覺得成品仲係唔夠好呢

      刪除
  9. 回覆
    1. 我覺得係易學難精呀,同埋因為我無烏冬預拌粉,啲粉係自己調教,呢方面要研究吓

      刪除
  10. 我好喜歡好筋粉和全麥粉, 因為用來整麵筋十分有營養和多蛋白質.

    回覆刪除
    回覆
    1. 我而家都研究緊,點樣多啲運用唔同穀物嘅粉,改善吓個飲食習慣

      刪除