我的網誌清單

2016年2月24日星期三

新玩具之黑豆麵篇

一直諗緊買唔買麵包機,最後都係放棄咗,反而,買咗呢部全自動嘅製麵機。
隨機附送食譜,量杯同切麵刀。


收到第一日,已經即刻同王子試機,操作容易,成品我哋好滿意。
呢部機,10分鐘內可以製造出1-2人主菜份量嘅麵條來,15分鐘內可以製造出3-4人主菜份量嘅麵條。
王子去咗咖哩國出trip,外面又落雪,我留响屋企玩新嘢。
是日玩黑豆麵。
之前响有機店買咗黑豆,攞咗啲嚟磨成黑豆粉。


呢部機最多一次過處理500g麵粉,我今次食譜係1/3黑豆粉,1/3普通麵粉,1/3高筋麵粉。


按好掣,會自動拌勻啲粉,再响旁邊加入水。


其實通常幾分鐘,佢已經開始出麵,覺得夠長,就可以用切麵刀切斷。


好快啲麵就搞掂。


我唔想成日洗嘢,一次過整夠三餐麵嘅份量,存放都好簡單,灑上麵粉,用手輕輕拌勻。


入盒或者入膠袋,封好入雪柜,可以放兩至三日都無問題。


是日食日式咖喱伴黑豆麵,配最近研製緊嘅港式奶茶。


啲黑豆麵,令我諗起一零一隻斑點狗。


24 則留言:

  1. 好吸引喎, 愛它高效率。

    回覆刪除
    回覆
    1. 只需幾分鐘真係好快,部機仲可以整通心粉,曲奇,批皮等等

      刪除
  2. 新玩具好正啊! 請問清洗方便嗎?

    回覆刪除
    回覆
    1. 哈哈,你問咗我最重視嘅一條問題啦,佢啲parts係用easy-clean物料製造,同埋有隨機附送清潔工具,如果個麵團係上海麵,意粉果啲,無咁黏,會極易洗,如果比較黏,好似呢隻黑豆面,有啲位都係要省吓,不過整體算ok㗎,不過唔可以用機洗,一定要手洗。

      刪除
    2. Thank you, 我都有興趣買這個, 不過怕清洗既問題, 等我search 邊到平D先.

      刪除
  3. PHILIPS都有出麵機? 我舊年買左部德國寶回英國比親戚,佢都係玩左幾次收手。

    回覆刪除
    回覆
    1. 之前睇過其他嘅,一係極貴,一係reviews好差,呢部正評多,所以揀呢部囉
      部機好實用,冇機會入冷宮呢

      刪除
  4. 我想用呢架o野整廣東炒麵,但係架機有點貴,等吓先.

    回覆刪除
    回覆
    1. 我剪綵日整咗上海麵,好掂。。。
      我初頭都有價錢上嘅掙扎,早買早享受,遲買平幾舊,後來見到呢排亞馬遜用coupon買可以平25歐,同世界各地嘅最低價比較後都覺得ok,就買囉,個優惠你度都有㗎

      刪除
  5. 回覆
    1. 我好少買新玩具㗎,廚房好多電器,貴價名牌煲煲撐撐都好少
      部機好實用,冇機會入冷宮呢

      刪除
  6. 呢部機貴唔貴?我唔知有冇記錯,有網友用樂聲牌全能麵包機也可以搓到烏冬麵?
    你真努力,連港式奶茶都去試,唔難㗎,加油!

    回覆刪除
    回覆
    1. 對,只可攪拌,要自己手切麵條,Li J呢部方便得多!

      刪除
    2. Stella講得啱,麵包機只可以幫手搓麵團,跟住壓麵,摺麵,切面都要自己用手做。
      我發覺依家嘅成品,都好似港式奶茶,真係唔係太難

      刪除
    3. 呢排亞馬遜用coupon買可以平25歐,部機平咗後係175歐

      刪除
  7. 回覆
    1. 十多分鐘已經可以有湯麵上餐桌啦

      刪除
  8. 我都有諗過這個玩具,但係。。。我睇唔到睇唔到 XD

    回覆刪除
    回覆
    1. 要繼續睇你唔到。。。睇你唔到。。。哈哈哈

      刪除
  9. 呢個我都有諗過買,不過我覺得我會係三分鐘熱度好快就會打落冷宫,所以都係唔好嘥錢。

    回覆刪除
    回覆
    1. 我一星期會用到幾次,主要想整健康啲,或者街買唔到嘅麵,唔會有機會入冷宫啦

      刪除