我的網誌清單

2016年3月2日星期三

麻辣紅油三角雲吞

今日用新機試整雲吞皮。
上次唔記得講,如果你唔滿意部機嘅出品,例如覺得啲麵搓得唔夠耐,或者啲麵壓得唔夠靚,可以放返入去,叫部機重做。


用咗250g中筋麵粉,250g高筋麵粉,180g水,3/4茶匙鹼水。
如果你有手動際麵機,一樣可以整到,只係水份要加多30g左右。
落咗鹼水之後,個麵團會變得實淨冇咁黏,顏色會變淡黃。
一般街賣嘅雲吞皮會落色素,所以會黃啲,鮮艷啲,自家嘢就唔駛落啦。
部機一路出麵皮,你就可以一路切成方形,一陣就做好一大碟雲吞皮。
做多咗嘅雲吞皮撒少少麵粉,包好,放雪櫃可以保存幾日。
上次都係唔記得講,啲麵/麵皮其實都可以冷藏,灑多少少麵粉,包好就可以,解凍後就可以煮,好似街買啲急凍麵食咁。
因為呢個雲吞皮模主要係俾人用嚟做意大利雲吞,所以會比較厚,如果你想食薄餃子皮,就要自己再壓薄啲先切。


今日整三角雲吞,餡料係小菜園嘅菜,火雞肉同燕麥。


屋企啲辣椒油食晒啦,今日又整咗一大碗,今次整麻辣油。


用麻辣油調好個麻辣汁,雲吞煮好,淋上汁料,灑上芝麻,是我嘅獨食晚餐。


飯後有跟餐茶,是日餐茶係久違嘅茶走。


24 則留言:

  1. 我真係睇到你碗麻辣油即刻爆口水!!!
    咁少雲吞就夠飽?

    回覆刪除
    回覆
    1. 夠啦,呢隻雲吞皮比較厚,會飽肚㗎

      刪除
  2. 回覆
    1. 依家有機就好簡單,之前要用手工做雲吞皮,功夫多好多呢

      刪除
  3. 好勁,全部自家製, 健康又好食.

    回覆刪除
    回覆
    1. 我哋雲吞皮要山長水遠先買到,而且好貴,仲貴過肉呢。。。

      刪除
  4. 麻辣油好正!可惜越來越不受得辣。

    回覆刪除
    回覆
    1. 有啲品種嘅辣椒係香而不辣㗎,好似我呢隻係土耳其辣椒咁,我要溝啲印度辣椒先至夠辣

      刪除
  5. 我想問架機易唔易洗㗎?

    回覆刪除
    回覆
    1. 佢啲parts係用easy-clean物料製造,同埋有隨機附送清潔工具,如果個麵團係上海麵,意粉果啲,無咁黏,會極易洗,如果比較黏,好似黑豆面,有啲位都係要刷吓,或者用竹籤撩吓,整體算ok㗎,不過唔可以用機洗,一定要手洗。

      刪除
  6. 有朋友講雲吞皮上面啲粉係生粉,但我又唔多覺。
    記得也有朋友做雲吞皮來賣,他做了個麵粉袋,裏面裝麵粉,做好皮後就用那個袋來印下,呢個方法又快又方便呢!

    回覆刪除
    回覆
    1. 係真係用生粉撲粉㗎,因為生粉筋性低呀,但係我都係用麵粉咋,因為平好多

      刪除
  7. 我係睇唔到部機咋XD,但係睇到啲產品真係鼎瓜瓜!

    回覆刪除
    回覆
    1. 哈哈哈,你要繼續睇唔到啦,我仲有好多食譜未整呀。。。

      刪除
  8. 回覆
    1. 有啲品種嘅辣椒係香而不辣㗎,好似我呢隻係土耳其辣椒咁,我要溝啲印度辣椒先至夠辣

      刪除
  9. 碗麻辣椒油, 怕怕...
    部機好似好好玩咁 :)

    回覆刪除
    回覆
    1. 有啲品種嘅辣椒係香而不辣㗎,好似我呢隻係土耳其辣椒咁,我要溝啲印度辣椒先至夠辣,同埋呢碗麻辣油夠食幾十次㗎。
      部機好玩呀,我我仲有好多食譜未整呀。。。

      刪除
  10. 回覆
    1. 我都好鍾意,而且整一碗麻辣油已經夠食幾十次,好方便

      刪除