我的網誌清單

2016年3月26日星期六

雜菜牛肉炒烏冬

依家每次做麵,為咗洗少啲嘢,次次都整夠幾餐食。
琴日嘅幼烏冬我整咗好多,因為屋企仲有牛肉,想整好耐無食嘅雜菜牛肉炒烏冬啊。


我家王子超鍾意食炒麵呢類型嘅食物,而牛肉又係佢好鍾意嘅,呢個咁簡單嘅食物已經令佢好滿足。

值得一提嘅係炒麵裡面嘅綠色菜其實係來自小菜園嘅Red Russian Kale。呢隻菜真係好好食,又有菜味。

最主要係佢十分高產又唔使點打理,亦很耐寒,落雪都冇問題,用來做油菜,煮中國菜真係好合適。

這個冬天,我們食咗好多次啦,王子都覺得佢一流,今年嘅冬天,一定會種多啲。

14 則留言:

  1. 我覺得kale好好味,不過就比較韌啲而要煮耐啲!

    回覆刪除
    回覆
    1. 我發覺一般Kale真係硬啲,但係呢隻Red Russian就特別嫩,煮一分鐘已經淋,所以今年冬天我只打算種佢啦

      刪除
  2. 一炒麵, 我就切野切到傻 XD
    你唔係用機洗碗咩

    回覆刪除
    回覆
    1. 啲配件唔入得洗碗機㗎,不過即使入得,我都會手洗,襟用啲嘛

      刪除
  3. 我以前都有自己整麺,而家好懶,包都整少咗,見到你自製的炒烏冬好想食。

    回覆刪除
    回覆
    1. 香港呢方面好方便,新鮮麵容易買到又平,我哋就相反喇

      刪除
  4. 除了牛肉,都不求人了!

    回覆刪除
    回覆
    1. 如果真係想,其實紅蘿蔔都可以自己種,不過見咁平,就無咁做囉

      刪除
  5. 回覆
    1. 你可以提議叫老Dad今年夏末試下種呀,好粗生,而且秋冬多雨水,我連水都冇淋過

      刪除
  6. 嘩!炒得靚過出面賣的!!勁!!洗唔洗用好多油?(我炒麵無成功過,哈哈)

    回覆刪除
    回覆
    1. 唔駛用好多油,不過一定唔可以太少油或者無油,我覺得炒麵要有啲鑊氣先好食,太少油或者無油會炒得無咁香㗎

      刪除
  7. 以前住英國時好後期先發現kale, 簡直驚為天人呀, 當佢芥蘭咁炒好好味, 又唔貴, 平過喺中超買菜心芥蘭多多聲.

    回覆刪除
    回覆
    1. 我哋唔容易買到kale,就算見到,都好貴吓,所以我淨係食自己種果啲咋

      刪除