博物館之夜（2）

因為博物館之夜係一件大事，全市嘅交通都要一同配合，為咗方便參觀者，大會將各種展覽劃成區，安排不同巴士路線，令每一個展覽點都可以方便快捷咁去到。

我同王子坐著巴士去下一個目的地，途經Mercedes-Benz Museum，其實入面好多特備展覽，不過我哋冇打算去。

其中一個係古董車展覽，在路上我哋已經見到唔少揸緊去博物館，佢哋仲行得㗎。

呢架粉紅色嘅古董車，係咪好嬌美呢？？

我哋到站啦，呢度之前都介紹過，係U-Bahn-Museum。

好多人呀。

下一個節目係波斯蛇表演。

明明話做到八點半，我哋去到只係八點，睇咗幾分鐘就完場，有無搞錯？？？！！！

呢個其實我麻麻，因為由細到大，我成日見到蛇，唔覺蛇有乜咁特別，反而德國人似乎好有興趣，睇番資料，原來德國只有六種蛇，而且數量亦唔多，見到嘅機會好細，所以啲人覺得咁得意。

最後可以摸下啲蛇，個個都好興奮。
王子好想睇呢個節目，咁早玩完，有啲失望。
唔緊要啦，我哋去下一個節目。