鷹嘴豆味噌

星期五晚，王子同同事去玩，我見有時間，勤勤力力做咗幾件事。
首先，是為未來嘅味噌需求作準備，呢次嘅味噌，我打算用鷹嘴豆做。

其實味噌不一定要用黃豆做，可以改用其他豆做都得。

由於很多西人對黃豆嘅健康性存疑，市面就出現咗一啲新興，非黃豆製成嘅味噌，我無買過呢啲產品，因為價格實在太高昂啦。

反正要整，不如就試下整鷹嘴豆味噌吧，據說，它的味道很不錯呢。

鷹嘴豆浸12小時以上，用壓力煲煮熟，取出豆，待涼， 之後加入鹽，米麴，拌勻，用攪拌機攪碎就可以拎去儲存。我的鷹嘴豆，鹽，米麴比例係900g（乾豆）：430g：1050g。

顏色也不錯，金金黃黃的，我刻意在留下一些顆粒，我家王子，特別喜歡吃這些顆粒呢。

整好之後，便可以裝入塑膠盒，壓實一點，最後在上面灑上少少鹽，封好放在陰涼嘅地方，等時間工作。。。