新收成

天氣開始暖起來，好快又係新一年嘅夏季黃金種植期。
家中已經培育咗好多幼苗，王子又正在幫小菜園做啲diy工作，某天趁天氣好，我便幫小菜園去除部份雜草。
雖然新嘅未開始種，但係上年種嘅，因為天氣和暖，突然長大不少。
認得出它是什麼嗎？

是Brussels sprout抱子甘藍呢，它們很可愛，會在葉子之間長出來，可惜我種得差，佢哋好瘦啊。

還有這個，估到嗎？

是parsnip，原來佢個中文名係歐防風，唔等住食，遲啲先掘。

去年種嘅牛蒡我沒有吃，冬天慢慢死去，今年二月又開始重生。
好多蔬菜都係一年生嘅植物，但牛蒡係二年生嘅，即係，佢嘅生命周期係兩年，第一年牛蒡會將所有精力放在根部，所以只會長葉生根，要採收牛蒡根食用就要在第一年進行，第二年根部會老化，不能再吃，而牛蒡第二年會將精力放在開花結果上，完成佢嘅生命循環。

見牛蒡長出大量葉子來，是日晚餐，會用上它呢。