Monastir （3）

行完魚市場，不如睇下其他食物啦。
本地人鍾意食豆，鷹嘴豆同呢種白豆成日見，但係佢哋需要預早浸泡先煮，咁唔想自己浸泡，就嚟幫襯呢啲已經浸好嘅。

呢樣好食喎，係牛腳，通常用嚟炆，好重膠質，而且係QQ嘅。

啲街市真係同香港有啲似。

士多啤梨當造，好大粒不過唔覺得香。

見我影相，又係笑嘅，永無惡形惡相。

 紅石榴勁平，0.6歐1kg咋。

好多茴香啊。

其實老闆做過冇停手，因為佢要逐棵逐棵整理。
剛剛收割落嚟，啲茴香其實係咁樣嘅，有好多枯葉，又多泥土，農夫收割完，就會一大批咁用驢車或者貨車送去市場，因為正值茴香當造季節，我哋經常在公路上見到。

老闆幫佢修葺完，個樣即刻唔同晒。

 突尼西亞有好多呢啲小食亭，無得坐嘅，似乎本地人好習慣企响度食同飲嘢。

回教唔食豬肉，所以雞，火雞都係佢哋常食嘅肉之一。

超新鮮香草。

呢啲已經醃好嘅橄欖，酸菜同辣椒，唔知啱唔啱你食？

呢個有啲似蕎頭嘅嘢，唔知係乜呢？？

呢疊係新鮮嘅薄餅，好似naan咁嘅。

法包，呢度好重要嘅主食。

小物，我家王子最鐘意睇。

行行下，又見到小食亭，北非人好鍾意飲湯，所以好多呢啲湯嘅專門店，當你見到呢啲一疊疊嘅碗，就知呢間有湯飲。

又見到潤餅啦，今次無包住，睇得好清楚。

有牛又有羊。

仲有火雞。