韓式魚生拌飯

收到新嘅魚生宅配，又可以整下魚生飯食啦。
今次整吓韓式口味，少少辣少少甜嘅韓式魚生拌飯。
我呢個係二人份量，大概係300g嘅魚生份量嘅醃料份量。
先將芝麻放白鑊內炒一會，舂／磨碎。
大碗內放進1湯匙韓式辣椒醬，芝麻碎，1／4湯匙糖，1／4湯匙蒜粉，4湯匙醬油，1湯匙麻油。

拌勻試味，略咸而帶一點甜便可以。

 加入已剁碎嘅魚生，拌勻，等10分鐘再鋪上醋飯上便可。

是日又係套餐形式，一個韓式魚生拌飯配一個牛蒡葉茄子味噌湯已經好足夠。
今次嘅味噌係新開封，係去年頭釀製嘅蕎麥味噌，味道無純米味噌咁甜，但一樣好鮮味，我完全無用高湯底，只用味噌，都好好味啊。