博物館之夜（7）

下一個房間，係日曆房。

房嘅中間，放滿咗復活豬蛋。

好精美，應該唔少人會鍾意。

呢間房嘅四邊佈滿小木箱，每格代表一個生日日期，裡面有個生日公仔，呢個係我嘅。

下一間房，講豬嘅生產。

旁邊仲有啲關於豬嘅宗教嘢，原來最鐘意用豬放入宗教裡面嘅，係東南亞人。

原來响埃及，依家最早搵到嘅豬神雕塑係公元前3600年嘅，已經無人知佢嘅功用，不過估計係同生殖繁殖有關。

其後唔知發生咗乜嘢事，豬嘅身份開始改變，開始變成一種邪惡同魔鬼嘅象徵，而呢個風氣，亦傳到唔同嘅民族。

睇完啲宗教嘢，另一間房，放滿咗各式豬遊戲。

响其中一個櫃，見到好多郵票同錢幣，好眼嘅，可能會見到。。。

見到嗎？

講到豬，又點少得集體回憶豬仔錢罌呢？

呢間房，就係講豬仔錢罌嘅。

不過，我見唔到我細個用過嘅一隻，係塑膠，紅色嘅。。。

 我哋其實依家，先睇咗一層，仲有一層未睇呀。
上二樓，睇埋令一層，牆上，寫滿各種語言嘅豬字。