Monastir （5）

最後一集嘅突尼西亞之旅啦。
响魚鱗廣場嘅最遠處，有座唔知係乜嘅建築。

唔通係回教廟？

後面原來有個入口，而且係唔洗錢入場嘅，不過要過安全檢查喎。

因為言語不通，無人話到俾我哋聽，究竟呢座係乜。

回教特色，非常對稱，而且好鍾意星星圖案。

啲柱上面有可蘭經。。。我估。。。

係咪都有啲阿拉伯風情呢？

走入去睇下，入面都幾暗。

原來又係墳墓！

另一間房，放滿咗遺物。

謎底終於解開，原來呢度係首任總統嘅陵寢。

另一間房，係佢嘅陵墓。

睇完，又行返出去。

見到有人玩風箏，好耐冇玩過啦。

仲有時間下一班火車先到，咁又周圍行下啦。

有呢種脆皮果仁賣，仲好香呢。

突然又見到賣湯嘅小食亭，食客點咗呢個湯，都好足料喎，係鷹嘴豆雜菜湯。

呢個係本地漢堡包，你要嘅時候佢就即刻加熱，係即叫即整㗎。

又見到小物攤檔，我家王子終於睇啱，買咗幾樣嘢，一堆小物中，我見到佢。。。

係A貨凡士林啊。。。

我哋嘅旅程完滿結束啦，多謝收睇。