牛蒡莖甘筍炒雞肉

昨天說到收割了牛蒡葉做晚餐，今天來看看煮了什麼吧。

是日家常靚湯係椰子煲雞，我好鍾意飲，有椰子香味又甜。

牛蒡葉有好多料理方法，最叻食佢嘅係日本人，而且無論係中醫定係日本醫生，都認為佢係一等一嘅健康食品。

在日本可以買到以葉為主嘅牛蒡葉農產品，就是一大把葉，下面有條小小嘅牛蒡，不過呢種農產品唔多平，一小紮要400yen左右。

收割咗嘅牛蒡葉，首先將葉和莖分開，洗淨，牛蒡葉帶苦味，但係可以生食，唔怕苦可以就咁煮，我家王子好怕苦，咁就要先出出水，再過冷河，咁啲苦味就會無咗。

因為今次收嘅牛蒡葉好多，今日只係食牛蒡莖，牛蒡葉留返聽日食。

屋企有奧地利嘅粟米雞，品質好好喎，下次再有一定會入貨。

我今晚想食小炒，整咗牛蒡莖甘筍炒雞肉。

我家王子看到有新食材，十分好奇，佢以為係西芹，但係佢明明係唔食西芹，我唔會煮嗰喎。

其實我都係第一次食牛蒡莖（或者食咗自己唔知），好好好食呀！好爽脆呀！！！王子讚不絕口。。。

另一碟係雪菜蘿蔔炆茄子。