我的網誌清單

2016年4月18日星期一

博物館之夜(5)

首先睇下豬博物館嘅入口,一大個豬信箱。


仲有豬棋。


上二樓,博物館係一間古建築,裡面係一條長走廊,兩旁有大大小小唔同嘅房間。
每間房都有主題,好似呢一間,主要係講豬肉檔。


以前豬肉檔要用嘅工具。


呢間係講森林中嘅野豬。


呢個豬燒烤爐,係咪好靚呢?


呢間房,係講以前嘅人如何捕殺野豬。


原來人類食豬肉嘅起源,係由野豬開始。
所以以前嘅人,屋企唔只有掛鹿頭,仲會掛野豬頭。
人類最初搏殺野豬,係由設陷阱開始,而當時人類嘅打獵目標,一半係野豬。


後來便有所轉變,改用狗隻。
呢個擺設形容咗以前點樣捕殺野豬,因為野豬力大,而且好聰明又有強嘅攻擊性,人類隨便捉佢分分鐘冇命,所以要靠啲兇猛嘅狗隻,獵人會派佢哋出去,同野豬先搏鬥一輪。


到隻野豬敗下來,獵人就會圍起隻豬,唔比佢走甩,再出來殺佢。


因為野豬兇猛,所以以前捉到,獵人會覺得係一種榮耀。


呢間房,係講豬嘅出生同長大。


呢間房係講世界上豬嘅品種。


原來無人真正知道,究竟全世界豬嘅品種有幾多。


原來北美同歐洲嘅豬品種並唔多,反而東亞有極多豬嘅品種。

德國好遲先開始發展豬嘅配種,到咗19世紀末,德國引入英國同亞洲配種豬,先正式開始成功配出不同品種來。
而响1950開始,因為人類對肥嘅豬需求大減,某些豬品種已經被滅族。
而德國最後一隻冇亞洲血統嘅豬,响1970年代,亦都無埋。


睇下啲立體畫,感受下以前啲人點樣豬吧。


仲有小朋友作品。


精緻嘅模型。


同豬有關嘅書籍同雜誌。


27 則留言:

  1. 典解我見到法文? 典解嘅? 典解嘅?

    回覆刪除
  2. 嘩...真係全部都關於豬的展覽及事跡

    回覆刪除
  3. 回覆
    1. 可能係強壯啲,無咁易病,再配啲其他品種,改善肉質

      刪除
    2. 英國啲豬肉真係好難食, 好大陣味.

      刪除
    3. 德國啲豬肉幾好㗎

      刪除
  4. 我以為會有好多以前屠房嘅o野睇添。

    回覆刪除
    回覆
    1. 冇呀,呢度裡面其實好童話世界feel

      刪除
  5. 原來鬼佬鍾意打野豬…嘻嘻…怪不得佢哋啲豬肉羶味咁重啦!

    回覆刪除
    回覆
    1. 以前咋,依家想去打獵好難攞牌lu

      刪除
  6. 睇過兩篇,令我想起女兒兒時的一位女同學,她極愛豬,相信她一定嚮往這博物館,我不是極愛豬,也感覺很特別。

    回覆刪除
    回覆
    1. 我都覺得如果愛豬,呢度真係會睇得好開心,真係好多展品

      刪除
  7. 以前屋企賣豬肉,所以對豬肉舖好有親切威,
    豬肉分割員喺好專業,外國喺專科,香港一早應該開班,好似一啲無見識嘅香港人,攞嚟搞笑下,哩行唔易做架。

    回覆刪除
    回覆
    1. 你講得冇錯,我哋呢度係專科嚟架,仲要分開宰割同售賣,有一定嘅專業知識,要上堂同考試,而我哋去超市嘅肉檔買嘢,佢哋嘅title係肉類部門專家

      刪除
  8. 以前屋企賣豬肉,所以對豬肉舖好有親切威,
    豬肉分割員喺好專業,外國喺專科,香港一早應該開班,好似一啲無見識嘅香港人,攞嚟搞笑下,哩行唔易做架。

    回覆刪除
  9. 狗咬野豬個像, 隻野豬表情好迫真!
    塊豬皮有D恐怖, 不過我都覺得呢個博物館好有趣!

    回覆刪除
    回覆
    1. 呢個博物館主題幾有趣,而且內面好童話世界feel,好多小朋友鐘意

      刪除
  10. 東亞人多食豬肉所以豬的品種最多?

    回覆刪除
    回覆
    1. 其實我都唔知係有雞先定有蛋先,博物館話食豬肉最多嘅,亦都係東亞人,尤其係中國人

      刪除