走過浮華大地最後一站

我們的走過浮華大地最後一站是Réunion留尼旺。
留尼旺為法國的海外省之一， 是一個火山島亦係法國人嘅旅遊勝地，島上主要住有法國白人、華人、印度人及非洲黑人。

第一站攞車！响留尼旺旅遊冇車都幾煩。

响留尼旺揸車四圍遊，會見到好多靚瀑布。

先在小村休息一晚。

清晨我哋要出發去Cirque de Mafate行3日山。
Cirque de Mafate係一個Caldera，即係破火山口，呢度四周環山，冇車路可以到，要靠腳行。
因為係特別嘅地理現象，又遠離人煙，呢個地方非常原生態，亦被列入聯合國世界遺產。

我哋行3日山係小兒科！好多人行一兩個禮拜架。

路上長滿粉紅小花！似教堂結婚時兩旁嘅花。