留尼旺 －勇闖活火山 ep2

回頭再望下Formica Leo小火山，真係幾可愛。
其實到咗依家，太陽已經好曬！
條路又難行，王子驚我一路行一路發火，如果扭傷仲麻煩，建議我慢慢行番停車場(真醒目！)

咁勇闖活火山嘅任務交咗俾王子之後，我就安然返停車場食生果嘆咖啡！

王子話好彩我冇行，真係幾辛苦，尤其係上山果段，仲係勁勁勁曬！

大火山口。

王子好勁呀，5小時路程佢2個多小時就完成。
雖然已經搽足得防曬，佢依然有曬傷呀！

除咗因為曬之外，呢度中午過後便會好大霧，好易迷路。
所以呢度啲石面有斷斷續續嘅白色標誌，指示方向。
不過依然係久不久有人會迷路，最好都係早出發啦。