留尼旺 －地獄篇 ep3

呢個係我哋第二日住嘅村。

台灣有九份、十份。
呢度呢？只有六份，即係六户人家。要見其他村嘅人要走2-3小時嘅山路。
據說山區亦有其他村落，有些只有三份、四份。

直升機係山區唯一交通工具，佢亦係提供物資俾屋民嘅唯一方式。
屋頂、雪櫃、木材、食材.....全部要用直升機吊入山區！

所以呢度飲支啤酒、食包薯片唔平架！

留尼旺成日見到直升機吊住呢舊探測器，唔知探測啲乜！

菜田。

民宿主人個女成日想我同佢玩。

佢仲帶我去睇佢爬樹，佢簡直係小女泰山！王子話佢好wild呀！
後來我請佢食麵包，唔食！
朱古力，唔食！
餅乾 ，唔食！
後來佢發現我有橙、蘋果同啤梨，雙眼即發光！佢同弟弟完竟然可以食哂我啲水果！
原來山區小孩不易吃到水果呢。

為咗保護山區生態，呢度有好多規例。
呢個係居民嘅垃圾收集處，再用直升機吊出山區。
 至於遊客嘅垃圾，要自己揹住，出番市區先至可以掉。
即係話，行兩個禮拜山，就要揹住兩個禮拜垃圾。

居民亦不能隨便耕種同飼養其他動物，避免原生態被入侵。