馬達加斯加 - 走入沙漠 ep 3

唔知你有冇睇過三色台嘅「火舞黄沙」，呢度真係有啲似呀！

又到咗揾動物黎睇時間。
呢度唔係動物園，啲動物係野生架，要大家合作靜靜地、一齊揾，再加上有啲運氣先有動物睇。
我是日大發神威呀，話說領隊揾咗好耐都揾唔到，竟然俾我揾到成個家族，立即示意其他團友過黎一齊睇。

佢地行得好近呀，領隊話可能係旱季，佢地揾唔到嘢食，想搶遊客啲食物！

佢地响法男面前跳來跳去，嚇到佢尖叫！

行行下，我又大發神威呀，响樹林中發現咗佢。

近距離接觸呀。

睇完動物，又去到另一個綠洲。
綠洲在兩座大山中間，在山谷中形成了瀑布、河流、水潭同河灘。

又去到游泳時間，呢個叫黑池，啲水又深又凍。
王子同法男兩個响度玩跳水，玩到不亦樂乎！

呢個叫綠池，啲水冇咁深又冇咁凍，我响呢度玩。