食物循環再造－韓式雜菜湯

食得唔好嘥，是日要將食物循環再造。

食煎魚定食，大沙甸王子唔食架，買咗細沙甸，可以全條食，連骨都食埋！

配沙律醬。

另一邊係青瓜泡菜。

仲有韓式雜菜湯，佢係用整韓式靑瓜泡菜剩下整架。
其實啲泡菜醃料已經用黎漬咗兩次青瓜，因為漬青瓜會出水，個醃料已經冇咁杰，似一個汁狀。
味道都會淡咗，用黎做湯就剛剛好。
先用1碗清鷄湯混合半碗泡菜汁，再加入雜菜煮熟，熄火加入海藻及鹽調味。
如果喜歡濃味，可以加多啲泡菜汁。
當然你可以加入海鮮、肉類、豆腐等等去豐富個湯啦。