洋葱美極蝦

某日超市跳樓貨竟然係朱古力，有太多選擇，只能挑特別嘅黎買。
王子把口一路話自己唔鍾意新口味朱古力，但係又一路開黎試。
我鍾意試新口味朱古力，已經試咗3排，好味喎。

是日好想食蝦。

 有純蕃茄清湯，個湯係用鮮蕃茄裡面嘅汁整架，裡面完全冇加水。

有沙律。

屋企支美極甚少用，要用用先得。
整咗洋葱美極蝦，見屋企有包迷你蘑菇，加埋落去，王子又話要勁多洋葱，攪到配菜仲多過蝦。
用美極炒蝦好香架，如果未試過，真係要試試呢。

洋葱美極蝦


食譜:

材料﹕
蝦500g
洋葱2隻切塊
蒜末1/2湯匙
 

調味:
美極2-3湯匙
老抽1/3湯匙
糖2/3湯匙
鹽少許
白胡椒粉少許
黑胡椒少許


蝦洗淨抹乾水，用少許鹽及白胡椒粉略醃，
將美極、老抽及糖拌勺，
鑊內加少許油，加入洋葱用中火炒香，
加入蝦用中大火炒香，加入蒜末及黑胡椒炒勺， 煮蝦至熟，熄火，
加入美極、老抽及糖，炒勺，試味。