食物循環再造－韓式豬扒飯

整咗韓式雜菜湯之後，仲係有泡菜汁剩下。
除了惜食之外，其實泡菜汁好有營養架，除了有豐富維他命，因為經過發酵，裡面有益生菌，所以泡菜汁對腸道好有益。
利用泡菜汁，我做了韓式豬扒飯。

要將泡菜汁改裝成醃汁，要响未放肉前，先試試泡菜汁嘅味，再適量地加入豉油、糖、麻油及辣椒粉，再放豬扒入去醃幾小時或過夜。
泡菜汁內有酵素，是天然鬆肉物質，醃出來嘅肉會淋滑啲架。

醃汁有糖會較搶火，煎時要小心。
燒紅易潔鑊，加入豬扒，煎一面至焦香。
反轉再煎一會，加入少許水，加蓋煮豬扒至熟便可。