總有出頭天

夏天嘅時候，試種咗蘿蔔。
其實明知夏天唔啱種蘿蔔，不過都想試試，當做實驗。
種得好少，食味麻麻，卻得來大量種子。
入秋，再試種。

泥土經過馬糞肥嘅幫助，蘿蔔種植速度快咗，而品質又好咗。
一個月多一點已經可以開始食。

有白，有粉紅；有打直生，有打橫生。
數數吓，原來園裡一共有四十多根蘿蔔仔。

根莖類嘅植物好有趣，起初平平無奇，好似一般菜葉。
某天醒來，世界突然變晒，响生長點下，根莖會突然變大。
遇上根莖植物嘅出頭天，人都變得雀躍起來。

慢慢變成球形，伸出地面。

盤點之下，發現仲有14個swede，立即收兩個煲湯先得。