滋補麻油雞

仲有2/3隻粟米雞，打算用來整滋補麻油雞。
啱啱買咗喜馬拉雅山玫瑰鹽，一於用佢嚟伴食。

滋補麻油雞做法好簡單，但因為非常依靠食材嘅原味，所以選料要上乘一點。
先用少少油炒薑片至焦黃，直至薑嘅香味跑出來。

加入雞件，中大火煎煎。

再煎煎另一面。

加入米酒（屋企冇，我今日用紹興酒），我仲加咗啲蟲草花同杞子。

加蓋用中火煮7－10分鐘（視乎啲雞件幾大），熄火，加入約一湯匙麻油，加蓋焗一分鐘。
煮好嘅滋補麻油雞應該有濃濃嘅酒香，薑香，同淡淡嘅麻油香。
在碗內加入少少鹽，再倒入少少麻油雞湯，便是用來點雞嘅蘸汁。

完全未入過廚嘅，都會覺得超容易。。。
其實呢個食完湯底已經可以用來打邊爐，唔打邊爐嘅話，可以加啲水／上湯，整麻油雞麵線，補身又好味。