我的網誌清單

2016年1月16日星期六

又見雪飄過

入冬以來,只落過一場小雪。
這幾天,天氣突然冷了,雪還突然來了。
中午王子來電,說會早點回家,一齊去看看雪。


這是山雞呢。


一點也不怕冷。。。


條白毛好得意。


第一次去寵物墳場。



特登訂造墓碑,仲要每年俾費用,佢哋响主人心中地位超然啊。


行完,就返屋企食碟頭飯。


落雪凍冰冰,有碗熱湯好重要,是日例湯係雜菜扁豆湯。


芝麻蜜糖雞翼飯,這個,我小時候很愛吃的東西,又係時候重溫吓。
新焗爐有氣炸功能,個皮整到脆卜卜。


仲有個勁薑蕃薯糖水,驅寒暖胃呀。


23 則留言:

  1. 白色世界睇嚟好快會嚟到我呢邊.

    回覆刪除
    回覆
    1. 今次幾勁呀,我哋會落到下星期

      刪除
  2. 你個邊幾多度啊? Keep warm. :)

    回覆刪除
    回覆
    1. Thank you!依家日間係零度,晚間係-5左右,下星期應該會暖返啲

      刪除
  3. 回覆
    1. 我家王子有呢啲小情小趣㗎

      刪除
  4. 我地下星期至有機會落雪

    回覆刪除
    回覆
    1. 你哋北啲,我以為已經落咗添

      刪除
  5. 我來紐西蘭多年,除冬天早上,或經過雪山才可看到有雪,而真正下雪的就只經歷過一次,所以那次我和太太都好興奮!

    回覆刪除
    回覆
    1. 落雪係幾靚嘅,不過我只想落一陣,因為有啲影響日常生活,啲結咗冰嘅路好難行呀

      刪除
  6. 主人對寵物ge情意,暖笠笠ge食物,滿是溫情,再凍都唔怕啦~

    回覆刪除
    回覆
    1. 其實果日落雪,仲有主人特登揸車去探寵物,我哋都有啲詫異呀

      刪除
  7. 回覆
    1. 係呀,小時候好鐘意芝麻蜜糖雞翼㗎

      刪除
  8. 早點放工去看雪,簡單又有情趣啊!

    回覆刪除
    回覆
    1. 有時晚上有雪或者有雨,佢食完飯,都會自己出去走一圈㗎

      刪除
  9. 人同寵物都係一條命,應該得到相同的對代呢

    回覆刪除
    回覆
    1. 我同王子一路行一路講,如果有一天我們養寵物,它們走時,都要好好安葬。。。

      刪除
  10. 哈哈哈, 我好大食, 尤其天氣一冷, 你那晚餐咁少飯, 夠唔夠飽咖? 不過, 我想你個王子可能會偷偷地去食其他野, 如蛋糕或飽包. 你個王子都幾浪漫喎, 下雪提早放工回來跟你一起去賞雪, 這個真係要學習下了, 俾著我.... 我只會怨天尤人地埋怨又落雪, 慘呀.

    焗爐可以氣爆? 係點樣咖?

    回覆刪除
    回覆
    1. 我哋通常係buffet形式,食完再添㗎,免得一次過太大碟,浪費食物囉
      我家王子好鍾意自然環境同自然現象㗎,落雪,落大雨,刮大風,閃電,佢最鍾意呀,不過你度可能雪多呀,成日見又影響到生活,感受會唔一樣
      係氣炸呀,即係焗嘅時候有不同形式嘅熱氣吹出,例如雞翼啦,個皮經熱氣吹過,水份抽乾咗,就會好脆,好似炸過咁

      刪除
    2. 謝謝, 原來有熱氣吹出

      刪除
  11. 綿綿頭上飛花......
    王子好浪漫呢! 回家又有四道菜晚餐, 幸福就是咁簡單,
    不過, 要有你這麼賢淑的妻子才可以!

    回覆刪除
    回覆
    1. 多謝你讚我呀,真係一凹一凸呀,其實我一啲都唔浪漫,反而王子浪漫我好多好多呢

      刪除