Siena (5)

要看好風景，先要經歷辛苦嘅一段。
爬上Facciatone，要有心理準備，需要爬窄窄暗暗嘅螺旋形樓梯。
樓梯只有一條，上落都係佢，所以，要預咗同人有身貼身嘅情況。
不過，看見呢個風景，你一定會覺得，爬上來，係值得嘅。

Facciatone分兩層，呢度係第一層。
可以清楚見到教堂。

又可以清楚見到呢個著名嘅山城。

更上一層樓，會看得更遠。

曾經係世界一嘅建築，可以清楚見到。

有冇諗過，點解啲屋要起到咁密？

外面明明仲有好多地。。。

因為以前山城之間，唔知係咪生活苦悶，好鍾意打來打去，所以每個山城，都有圍牆。
屋亦只會建於圍牆內，人口多咗，啲屋最終越起越密。

不說不知，Siena曾經係世界嘅最大城市之一，700幾年前正值黃金期嘅佢，遠比倫敦繁華，當時在歐洲，能與佢爭一日之長短嘅，只有佛羅倫斯同巴黎。

每當變幻時，當日嘅梟雄，想不到自己會有退下來嘅一日吧？！

究竟係繼續處於高位，做世界名城，被世界仰望，抑或是處於這種悠閒古典狀態，較為幸福呢？