粉紅牛仔肉

聖誕前某星期，超市通常有一周，專賣各種貴價食品，俾人入定貨過節。
一周過後，超市就要開始減價促銷，今次比我撞到賣剩蔗國產牛仔肉entrecôte（prime cut）。

呢個價錢，再有7折，即刻11歐左右1kg，以牛仔肉entrecôte嚟講，好抵囉。
裡面係一大舊，打開後可以按喜好切成唔同厚薄嘅牛扒。
我無即日食，放咗佢哋入冰格長眠。

某天，終於有想食牛嘅感覺，馬上解凍其中一包。
但係我唔想食牛扒，想食燒牛仔肉啊。
王子好多要求：唔要咁熟，舊肉要盡量平均地粉紅，要保持肉嘅嫩滑同濕潤，但又不要見血水。。。
於是，用reverse sear嘅方法，大約1kg嘅肉，放至室溫，120度焗爐中層焗1小時10分鐘(想食熟啲就加多10－15分鐘），取出，燒熱煎鍋至好熱，加入油，每面稍為煎煎幾十秒至有啲焦黃，取出，等5分鐘就可以切。
我整咗雜菜滑子菇紅酒汁伴食。

牛仔肉品質好好，有豐富肉汁，又夠嫩滑，好彩，仲有一包响冰格！！！
王子勁開心，好滿意，呢個份量，食咗5份。
食完，仲不斷向我肯定：無懼世衛變改，還是越癌越愛。。。