生炒糯米飯

晚上。深夜。想著糯米飯。
想係無用嘅，立刻去浸糯米先有得食。
仲一定要記得浸冬菇!

第二天，糯米浸好了，有生炒糯米飯做午餐。
花生白鑊（我用易潔鑊）炒至香，盛起。
冬菇，臘腸切粒，易潔鑊內加油，炒香冬菇臘腸粒，糯米隔去水，加入糯米不斷炒。
加入少許水，再炒，重複至糯米熟，加糖，生抽，老抽，炒炒。
家中剩下少少火腿，與花生一併放在糯米飯上。
咁多日冰封世界後，小菜園嘅香草重見天日，重要大部份係安然無恙！！
嘭嘭聲摘啲莞茜食，新鮮莞茜配糯米飯，特別好食。