魚麵筋雜菜粉絲鍋

融雪嘅日子，比落雪嘅日子，凍得多。
尤其結咗冰嘅地面，又滑又跣，我最怕。
每逢落雪前，我一定去超市買入大量蔬菜，唔想出街，屋企都有糧餉。

這天，人極懶洋洋。
做個鍋物吧，快手，清淡，又熱辣辣。
拿出一包魚麵筋，兩小時左右已經完全解凍。
這天，做個魚麵筋雜菜粉絲鍋 ：薑片炒出味，加入甘筍片炒炒，加入高湯加蓋煮7分鐘，加入椰菜花煮1分鐘，加入翠玉瓜煮1分鐘，加入椰菜仔煮1分鐘，試味，不夠味加點鹽，加入蟹柳，雲耳，粉絲及魚麵筋煮1分鐘，加蓋焗2分鐘。
兩個人，煮少少飯，加多碟辣椒豉油點餸食，已經好滿足啦。